ਗ਼ਜ਼ਲ / ਪੱਕੇ ਕੋਠੇ…

• ਕੁਲਵਿੰਦਰ ਵਿਰਕ, ਕੋਟਕਪੂਰਾ

ਪੱਕੇ ਕੋਠੇ ਚੋਏ ਲੱਗਦੇ ਨੇ,
ਸੱਜਣ ਸਾਡੇ ਰੋਏ ਲੱਗਦੇ ਨੇ।

ਭਰ ਕੇ ਬੋਝੇ ਤੁਰਦੇ ਸੀ ਜਿਹੜੇ,
ਹੁਣ ਕੱਖੋਂ ਹੌਲੇ ਹੋਏ ਲੱਗਦੇ ਨੇ।

ਇਹ ਜੋ ਉੱਚੀ-ਉੱਚੀ ਹੱਸਦਾ ਏ,
ਦਿਲ ਦੇ ਤਾਬ ਲੁਕੋਏ ਲੱਗਦੇ ਨੇ।

ਆਪਣਿਆਂ ਤੋਂ ਕੁੱਬਾ ਨਹੀਂ ਹੋਣਾ,
ਦਰਦ ਬਿਗਾਨੇ ਢੋਏ ਲੱਗਦੇ ਨੇ।

ਤੈਥੋਂ ‘ਵਿਰਕਾ’ ਪਰਦਾ ਕਾਹਦਾ ਏ,
ਯਾਰ ਗ਼ਦਾਰ ਹੋਏ ਲੱਗਦੇ ਨੇ।

ਪੇਟਿੰਗ- ਗੈਰੀ ਮਾਰਟੀਨੇਜ਼ (Gerry Martinez)
ਮੈਡਰਿਡ, ਸਪੇਨ ਵਿੱਚ ਰਹਿੰਦੇ ਇਕ ਡਿਜ਼ਿਟਲ ਫਾਈਨ ਆਰਟਿਸਟ ਅਤੇ ਲੈਂਡਸਕੇਪ ਫੋਟੋਗ੍ਰਾਫਰ ਹਨ, ਜਿਨ੍ਹਾਂ ਦਾ ਮੂਲ ਨਿਵਾਸ ਫਿਲੀਪੀਨਜ਼ ਹੈ। ਉਹ ਡਿਜ਼ਿਟਲ ਪੇਂਟਿੰਗ, ਫੋਟੋ ਪੇਂਟਿੰਗ ਤਕਨੀਕ ਅਤੇ ਟੈਕਸਟਚਰ ਦੇ ਜ਼ਰੀਏ ਰਿਨੈਸਾਂਸ, ਸਰੀਅਲਿਜ਼ਮ ਅਤੇ ਐਬਸਟ੍ਰੈਕਟ ਆਰਟ ਦੇ ਅਨੋਖੇ ਮੇਲ ਨਾਲ ਕਲਾ ਰਚਦੇ ਹਨ। ਉਹ ਲੰਬੇ ਸਮੇਂ ਤੋਂ ਡਿਜ਼ਿਟਲ ਕਲਾ ਨਾਲ ਜੁੜੇ ਹੋਏ ਹਨ ਅਤੇ ਆਧੁਨਿਕ ਟੈਕਨਾਲੋਜੀ, AI ਟੂਲਜ਼ ਅਤੇ ਮਿਕਸਡ ਮੀਡੀਆ ਦੀ ਵਰਤੋਂ ਕਰਕੇ ਆਪਣੀਆਂ ਰਚਨਾਵਾਂ ਨੂੰ ਨਵੀਂ ਦਿਸ਼ਾ ਦਿੰਦੇ ਹਨ। ਰੈਂਬਰਾਂਟ, ਮਾਈਕਲਐਂਜਲੋ ਅਤੇ ਸਾਲਵਾਡੋਰ ਡਾਲੀ ਵਰਗੇ ਮਹਾਨ ਕਲਾਕਾਰਾਂ ਤੋਂ ਪ੍ਰੇਰਿਤ ਹੋ ਕੇ ਉਹ ਆਪਣੀ ਕਲਾ ਵਿੱਚ ਭਾਵਨਾਵਾਂ ਅਤੇ ਕਹਾਣੀਆਂ ਨੂੰ ਡਿਜ਼ਿਟਲ ਬਰਸ਼ਸਟ੍ਰੋਕਸ ਰਾਹੀਂ ਪ੍ਰਗਟ ਕਰਦੇ ਹਨ।